Gen 10 | ZomZIV | STEP | Hih in tuiciin tun khita amau neih tapate Noah tapa Shem, Ham le Japheth-te khanggui sutna ahi hi.

Genesis 10

Minamte Lahna

1 Hih in tuiciin tun khita amau neih tapate Noah tapa Shem, Ham le Japheth-te khanggui sutna ahi hi. ^a

Japheth Suante

2 Japheth’ tapate: ^{▼▼10.2 Tapate pen suante, zalaihte, minamte cihna hi thei, tg. 3,4,6,7,20, 23,29 le 31 ah zong.}
Gomer, Magog, Madai, Javan, Tubal, Meshech le Tiras. ^c
3 Gomer’ tapate:
Ashkenaz, Riphath le Togarmah. ^d
4 Javan’ tapate:
Elishah; Tarshish, Kittim le Rodanim. ^{▼▼10.4 Khutgelh masa pawlkhat Masoretic Bu le Samaritan Pentateuch (Septuagint le 1Kh. 1:7 zong en in); Khutgelh Masoretic bu khempeuh phial ah Dodanin.} 5 (Hihte panin tuipi gei-a teng mite amau gamah kizelh a, amau kampau ciat zangin amau minam ah a beh zui-in om uh hi.) ^f

Ham’ Suante

6 Ham’ tapate:
Cush, Mizraim, ^{▼▼10.6 Tua pen Egypt tg. 30 ah zong.} Put le Canaan. ^h
7 Cush tapate:
Seba, Havilah, Sabtah, Raamah le Sabteca.
Raamah’ tapate:
Sheba le Dedan.

8 Cush pen leitunga a thahat gal siam masa-a kigen Nimrod’ pa ^{▼▼10.8 Pa pen pupi, za ngah masa, a mukhiapa cihna hi thei. tg. 13,15,24 le 26 ah zong.S} ahi hi. 9 Amah TOPA mai-ah a thahat sabengpa hi a, tua ahi manin, “Nimrod bangin TOPA mai-ah a thahat sabengpa,” kici hi. 10 A masa pen ama kumpi gam khuapite Shinar, ^{▼▼10.10 Tua pen Babylon} a ^{▼▼10.10 Ahikeh Erech le Akkad -amaute a vekun} Babylon, Erech, Akkad le Calneh-te ahi hi. 11 Tua gam panin amah in Nineveh, Rehoboth-Ir ^{▼▼10.11 Ahikeh Nineveh a khuapi huam tawh.} Calah 12 le Nineveh le Calah kikal-a khuapi lian Resen-te a satna Assyria ah amah pai hi. ^m

13 Mizram pen Lud-te,
Anam-te, Lehab-te, Naphtuh-te, 14 Pathru-te, Casluh-te, (Philistia-te pianna pa) le Caphtor-te’ pa ahi hi.
15 Canaan pen a ta masa ^{▼▼10.15 Ahikeh Sidon-te a masapen.}
Sidon le Hit-te 16 le Jebus-te, Amor-te, Girgash-te, 17 Hiv-te, Arki-te, Sin-te, 18 Arvad-te, Zamari-te le Hamath-te’ pa ahi hi. ^o

Tua nung ciangin Canaan behte kithehthang uh a, 19 Canaan gamgi pen Sidon pan Gerar manawh in Gaza dong ban hi. Tua ciangin Sodom, Gomorrah, Admah le Zeboiim lam manawh a Lasha dong ban hi. ^p

20 Hihte pen amau minam gamgi huam sunga, amau beh le kampau a zang Ham suante ahi hi. ^q

Shem Mite

21 Shem in tapate zong nei a, amau unau sungah a upa ^{▼▼10.21 Ahikeh a upa Shem.} pen Japheth ahi hi; Eber’ tapate khempeuh pu Shem ahi hi. ^s

22 Shem’ tapate:
Elam, Asshur, Arphaxad, Lud le Aram. ^t
23 Aram’ tapate:
Uz, Hul, Gether le Meshech ^{▼▼10.23 Septuagint (1Kh. 1:17 en in); Hebrew ah Mash.
,} ^v
24 Shelah’ pa ^{▼▼10.24 Hebrew; Septuagint ah Cainan pa hi-a Cainan pen} Arphaxad hi a,
Eber’ pa Shelah ahi hi. ^x
25 Eber in tapa nih nei hi:
khat pen min Peleg ^{▼▼10.25 Peleg pen khenna cihnopna} ahi hi, bang hang hiam cihleh ama hunin leitung kikhen hi; a sanggampa min Joktan ahi hi.
26 Joktan in
Almodad, Shelepth, Hazarmaveth, Jerah, 27 Hadoram, Uzal, Diklah, 28 Obal, Abimael, Sheba, 29 Ophir, Havilah le Jobab-te’ pa ahi hi. Hihte khempeuh Joktan tapate ahi hi.

30 Amau tenna kual Mesha pan Sephar lamah kizalhin nisuahna lam mual tung dong ban hi.

31 Hihte in amau minam gamgi huam sunga amau beh le kampau zang Shem’ tapate ahi hi. ^z

32 Hihte in Noah tapate beh a khangsimna uh tawh kizui-in amau minam ahi hi. Tuiciin tun khit nungin hihte panin leitungah minamte a kizel hi. ^aa